తొక్కుడు పచ్చడి

అందరు ఇష్టం గా చేసుకునే మరో శాంపిల్ పచ్చడి.

తొక్కుడు పచ్చడి.

కావలసిన పదార్ధాలు: 
మామిడికాయలు      :  2 
ఉప్పు                      :   తగినంత (కాయ ముక్కలు సైజుని బట్టి)
కారం                       :   తగినంత 
మెంతిపిండి              :     4 tsp
ఇంగువ                    :     2 tsp
పసుపు                    :     2 tsp
పోపు                       :
ఆవాలు                    :     2 tsp 
 నూనె                     :      1/2 కప్ 
తయారి విధానం       :

1. మీడియం సైజు మామిడి కాయలని  శుభ్రంగా కడిగి చెక్కు తీసి చిన్న చిన్న ముక్కలుగా తరగాలి.  వాటిని అలాగే ఎండలో పెట్టాలి.  పూర్తిగా ఎండ పెట్ట కూడదు. 
2. సాయంత్రం ఆ ముక్కలు తీసి వాటికి ఉప్పు, కారం, మెంతి పిండి,  పసుపు వేసి బాగా కలపాలి. 
3. ఈ మిశ్రమాన్ని రోటిలో వేసి లైట్ గా దంచాలి.   ముక్క చిదమ కూడదు. 
4. ముక్కకి ఉప్పు కారం తగిలి రసం వస్తుంది.
5. దంచిన ముక్కలని బేసిన్ లోకి తీసుకోవాలి.
6. బాళి లో నువ్వుల నూనె కాని పల్లీ నూనె కాని  వేసి కాచాలి. కాగిన నూనెలో ఆవాలు, ఇంగువ వేయాలి.  పోపు వేగాక  చల్లార్చి కారం కలిపి దంచిన మామిడి కాయ ముక్కాలలో వేసి బాగా కలపాలి. 
7. అంటే తొక్కుడు పచ్చడి రెడీ.

నోట్        :

• రోట్లో వేసి తోక్కుతాము (దంచుతాము) కాబట్టి తొక్కుడు పచ్చడి.
• మిక్సీ లో వెయ కూడదు. పూర్తిగా నలిగి పోతాయి. 
• మరునాడు వేడి వేడి అన్నంలో నెయ్యి వేసుకుని తింటే ఆ రుచే వేరు.
• ఇంగువ  మెంతి పిండి వాసనలతో ఘుమ ఘుమ లాడే తొక్కుడు పచ్చడి పేరుతొ పాటు రుచీ బాగుంటుంది.
• ఆంథ్రా లో కొన్ని ప్రాంతాల్లో చేసుకునే పచ్చడి ఇది.