ఉసిరికాయలు
:
ఉసిరి కాయ పచ్చడి (ఊరగాయ)
(కొలతలు ఉజ్జాయింపుగా రాసినవి. ఎవరి రుచులను బట్టి వారు ఉప్పు కారం వేసుకోవచ్చు, ఉసిరికాయ పచ్చడిలో ఉప్పు తక్కువ పడుతుంది.)
కావలసిన పదార్ధాలు:
ఉసిరికాయలు : 1 కే.జి.
ఉప్పు : 1 చిన్న గ్లాసు లేదా 100 గ్రాములు
కారం : 1 చిన్న గ్లాసు లేదా 1 00 గ్రాములు
మెంతి పిండి : 4 tsp
ఇంగువ : 1 స్పూన్
తయారీ విధానం :
1. ముంగుగా ఉసిరి కాయలు కడిగి శుభ్రంగా తుడిచి తడి లేకుండా ఎండలో ఉంచాలి.
2 . ఉసిరి కాయలు తరగాలి. గింజలు తీసేయాలి.
3 తరిగిన ఉసిరి కాయ ముక్కలు ఉప్పువేసి దంచాలి. లేదా మిక్సీలో వేసి మెత్తగా చేయాలి.
4. దంచిన ఉసిరికాయ లను చేతితో మెత్తగా పిండి రసం ఒక గిన్నెలో, ఉసిరి పొట్టు ను ఇంకో గిన్నెలో పెట్టాలి.
5. పసుపు వేసి రసం తీసిన ఉసిరికాయ పొత్తును గిన్నెలో పెట్టి గట్టిగా నొక్కి పెట్టి మూట పెట్టాలి. రసం ఇంకో గిన్నెలో పెట్టాలి.'
6. మరునాడు సాయంత్రం రసం లో ఉప్పు, కారం, ఇంగువ, మెంతి పిండి (వేయించి పొడి కొట్టినది)ఇంగువ వేసి బాగా కలపాలి.
7. ఈ రసంలో అన్నీ వేసి బాగా కలిపాక వేరే గిన్నెలో పెట్టిన ఉసిరి కాయలను కూడా బాగా వేసి కలపాలి. రెండో రోజుకి ఈ ఉసిరి కాయ పొట్టు బాగా మెత్తగా వుంటుంది . కాబట్టి మిక్సీలో వేసి మళ్ళీ రుబ్బనక్కర లేదు.
8. ఈ పచ్చడి జాడీలో పెట్టి వుంచుకుంటే ఏడాది నిలవ వుంటుంది.
రెందవ పద్ధతి
:
కారం కలపకుండా ఉప్పు ఒకటే కలిపి ఉంచితే అది ఉప్పు ఉసిరి కాయ అంటాము. తినాలి అనుకున్నాప్పుడు ఎండుమిరపకాయలు, మినప్పప్పు, శనగపప్పు, మెంతిపిండి, ఇంగువ వేసి మిక్సీలో వేసి కొద్దిగా ఈ ఉప్పు ఉసిరికాయ పచ్చడి వేసి నూరుకుంటే ఘుమ ఘుమ లాడే ఉసిరికాయ పచ్చడి రెడీ.
ఈ ఊరగాయ మా ఇంట్లో మాఅమ్మ (గుంటూరు) పెట్టె పద్దతి. ఇది ఏడాది నిలవ వుంటుంది.
చాలా మంది అందరూ ఉసిరి కాయలు కాయలు ఊరగాయ పెట్టుకుంటారు.
నోట్:
1. ఉసిరికాయలు ఒంటికి చాలా మంచిది కాని గాలి తగిలితే నల్లబడుతుంది. కాబట్టి నేను సీసాలో పెట్టి ఫ్రిజ్ లో పెడతాను. ఏడాది పొడుగునా ఎర్రగానే ఉంటుంది.
2. కారం ఊరగాయ కారం కలపాలి. అప్పుడే పచ్చడి బాగుంటుంది.
3. పచ్చడి చాలా స్ట్రాంగ్ కాబట్టి కొద్దిగా పచ్చడి వేడి వేడి అన్నంలో నెయ్యి వేసు కలుపుకుని తింటే చాలా బాగుంటుంది.
4. ముందు పావుకిలో పచ్చడి ట్రై చేయండి. ఆ తరువాత ఎక్కువ పెట్టుకోవచ్చు.
అరకిలో ఉసిరికాయలకు 400 గ్రాముల పచ్చడి వచ్చింది
